Обид за разбојништво во Гостивар – Им влегол во куќата со намера да ги ограби додека спијат

Ноќеска, час и половина по полноќ во Гостивар регистриран е случај на разбојништво во обид. Според информациите од СВР Тетово, за сега непознат сторител влегол во куќа на ул.„Београдска“,  сопственост на 58 годишна гостиварка, додека влезната врата била отворена и се сокрил внатре. Домаќинката пред легнување ја заклучила влезната вратата и заедно со својата сестра, отишле да спијат во дневната соба сместена на приземјето.

Кога сторителот помислил дека С.М. заспала, влегол во собата но, го забележала сестрата, па тој побегнал. Се качил на првиот кат, каде прозорите биле обезбедени само со најлон, го искинал најлонот и преку отворот го напуштил местото и се дал во бегство, без да одземе ништо.

Увид на лице место извршила екипа од СВР-Тетово. Се преземаат мерки за пронаоѓање на сторителот, соопшти полицијата.