Објаснување за забраната за движење во шума од ЈП Национални шуми

Од денес стапува на сила делумната забрана за движење во шумите и шумското земјиште во периодот од 6:00 до 20:00 часот.

ЈП Национални шуми утрово излезе со објаснување околу забраната, во кое се вели:

„Секој може да се движи во шума со претходно добиена дозвола. Дозволите се издаваат во 30-те подружници на Национални шуми. Националните паркови се посебни субјекти и Национални шуми за нив не издаваат дозвола и не забрануваат. Ланската година се случија најголемите пожари во поновата историја, а штетата од тие шумски пожари се проценува на некаде 7 милиони евра (само за Национални шуми ). Штетата за наредните години е непроценлива, бидејќи изгоре дрвна маса од 380.000 м3. Воведената делумна забрана за движење во шума е превентивна мерка и нема никакви други намери. Да ги заштитиме нашите шуми од шумски пожари.“