Објавен конкурс за воени пилоти

Министерството за одбрана и Воената академија „Генерал Михаило Апостолски“ објавија конкурс за запишување на осум слушатели на стручно оспособување и усовршување на родот авијација. На конкурсот може да се пријават граѓани кои имаат завршено високо образование и не се постари од 28 години. При приемот во предвид ќе се зема успехот на кандидатите од завршеното образование и ќе се вршат проверки за физичка подготвеност. 

„Натамошната селекција се состои од проверка на познавање на англискиот јазик, здравствени проверки и селекција на земја и во воздух која се врши во Центарот за обука на пилоти, кој претставува еден од најусовршените центри за обука на пилоти во регионот. Овој конкурс отвора уникатна можност за секој млад граѓанин на Македонија да ги тестира своите можности, капацитети и знаење и да биде воен пилот во Армијата на Република Македонија“, се наведува во соопштението.

Крајниот рок за пријавување е 26 октомври. Целиот конкурс може да го погледнете на следниот ЛИНК