Гостивар
Објавени годишните конкурси за проекти од културата
Министерството за култура ги објави годишните конкурси за проекти од национален интерес во културата за 2021 година.
„Годишните конкурси на Министерството за култура се основна финансиска поддршка за најголем дел од здруженијата, операторите, поединците во сите дејности и области од културата. Токму затоа, јас и мојот тим пристапивме со особено внимание, одговорност и компетентност за да се поддржат проекти со далекусежни уметнички вредности и влијание. Напорите што ги вложивме се во насока, средствата од Буџетот на РСМ, предвидени за финансирање проекти од национален интерес во културата за 2021 година, да ги добијат оние на кои им е најпотребно во услови на светска пандемија и чии што проекти ги задоволуваат приоритетите и условите на Конкурсите“, рече министерката за култура Ирена Стефоска.
Министерката истакна дека приоритет годинава е поддршката на проекти од младите и за младите, како и заштитата на културното наследство.
„Наша цел е да ги откриеме младите таленти во сите области на културата и да им помогнеме да го развијат својот креативен потенцијал“, рече таа и појасни дека втор врвен приоритет на Министерството за култура, е заштитата на културното наследство, за кое што освен националните установи се грижат и локалните.
Истакна дека целта е подигање на свеста за неговото значење за сите нас, поддршка на локалните установи заради унапредување на капацитетите, стандардите и пристапноста во заштитата на културното наследство на локално ниво.
„Важно е да истакнам, дека во секоја област од конкурсот, апликантите во нивните проекти треба да посветат внимание и на еднаквата родова застапеност, на инклузијата на лицата со попреченост, и на интеркултурниот дијалог. Со еден збор, Култура сега! – создаваме културна сцена која ги вклучува сите и допира до сите“, нагласи министерката за култура Стефоска.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник