Облачно и дождливо време и денеска, попладне можни поројни врнежи

Времето денеска (вторник) ќе биде променливо облачно со повремени врнежи од дожд и со слаб до умерен северен ветер. Попладне и во вечерните часови наместа ќе биде нестабилно со пороен дожд и грмежи, локално во форма на краткотрајно невреме со пообилен пороен дожд. За кратко време се очекува да наврнат над 15 литри на метар квадратен. Температурата во гостиварскиот регио ќе биде во интервал од 6 до 11 степени.

Според метеоролошките прогнози, до петок ќе се задржи променливо облачно време со повремени врнежи од дожд. Во попладневните и вечерните часови локално ќе биде нестабилно, со пороен дожд и грмежи наместа во форма на краткотрајно невреме со пообилен пороен дожд и засилен ветер.

В сабота ќе настапи преодно стабилизирање на времето, а в недела се очекуваат нови врнежи од дожд.