Облачно и врнежливо време и во наредните денови

Во деновите од новата работна недела ќе владее променливо време со услови за врнежи од дожд. Времето денес (понеделник) претпладне ќе биде сончево со мала до умерена облачност. Околу пладне и попладне на повеќе места ќе биде нестабилно со пороен дожд и грмежи, локално со поинтензивни процеси во форма на невреме. Температурата во гостиварскиот регион ќе се движи од 14 до 28 степени.

Утре не‘ очекуваат слични временски услови, со пад на температурата. Максималната дневна ќе достигне 24 степени. И во среда и четврток, според метеоролошките прогнози ќе биде променливо облачно, додека во петок ќе настапи стабилизација.