Облачно и врнежливо време во последната работна седмица од март

Денеска е понеделник, 25 март 2024 година, 85-иот ден во годината. До крајот на годината остануваат 281 ден. Сонцето во Гостивар изгреа во 5 часот и 30 минути, а ќе зајде во 17 часот и 55 минути. Денов трае 12 часа и 25 минути. Месечината е во фаза на полна Месечина.

Метеоролозите за денес прогнозираат променливо облачно време со повремени врнежи од дожд, наместа поројни, проследени со ретки грмежи, особено претпладне. На повисоките планини ќе има појава на снег. Ќе дува засилен ветер од северен правец со брзина од над 70 километри на час. Попладне облачноста ќе се намали. Температурата во гостиварскиот регион ќе се движи од 4 до 11 степени Целзиусови.

Утре (вторик) ќе биде умерено до значително облачно. Од пладневните часови со повремен дожд пообилен во западните делови од земјата.  Во среда и четврток ќе владее променливо облачно време, попладне со повремени локални врнежи од дожд, наместа поројни проследени со ретки грмежи. Ќе дува слаб до умерен, а долж Повардарието повремено засилен ветер од јужен правец. Во петок се очекува разведрување и пораст на дневната температура.