Облачно време и дожд уште денеска и утре, од среда стабилизација на времето

Подобрување на временските услови и стабилизација ќе има кон средината на работната недела.

Денес е понеделник, 272-риот ден од годинава. Сонцето изгреа во 6 часот и 30 минути, а ќе зајде во 18 часот и 22 минути. Времето ќе биде променливо облачно и нестабилно со повремени врнежи од дожд. Дневната температура ќе достигне 24 степени.

Утре (вторник) се очекува слично време, односно променливо облачно и нестабилно проследено со врнежи од дожд. Утринската температура ќе изнесува 10 степени, додека дневната ќе се искачи до 22 степени.

Од среда се очекува стабилизација на временските услови. Како и во четврток, времето ќе биде сончево со мала до умерена локална облачност. Температурите ќе се движат од 8 до 21 степен во среда, односно од 9 до 23 степени во четврток.

Во петок очекувајте сончево време со мала локална облачност и температури помеѓу 13 и 25 степени.