Облачно време и во текот на следните денови

Времето денеска ќе биде променливо облачно со слаб до умерен јужен ветер. Попладне облачноста ќе се намалува. Во гостиварскиот регион минималната температура ќе биде 4, а максималната ќе достигне 12 степени.

Како што информира Управата за хидрометеоролошки работи (УХМР), следува период на претежно облачно време, наутро со услови за локална појава на магла, со позитивни утрински температури и со претежно јужен ветер. Кон крајот на работната недела ќе има услови за појава на краткотраен локален дожд претежно во планинските региони.

Во следните три дена минималната температура ќе се движи од два до 9 степени, а максималната од 8 до 13 степени.