„Обратна микробранова“ што го лади пијалокот за неколку минути

Микробрановите печки ги користи речиси секое домаќинство и знаат добро да се најдат кога е неопходно некое јадење да се подгрее набрзина. Поаѓајќи од тоа сознание, една калифорниска компанија создаде уред, којшто може да излади пијалок за само неколку минути.

Овој изум „обратната микробранова печка” е наречен “Juno” и прв пат беше претставен пред јавноста на овогодишната конвенција на “CES”. Уредот користи термоелектричен мотор за ладење кој ја струи водата околу пијалакот со голема брзина, со што се намалува неговата температура. За сега, претставен е прототип кој може да излади само еден пијалак, но компанијата планира да го оспособи и за повеќе пијалоци одеднаш.

Стаклено шише пиво го лади за 1 минута, шише вино го лади до идеална температура за 3 минути, додека лименка газиран пијалак за 2 минути. Изумителите велат дека пијалокот може да се конзумира штом излезе од “обратната микробранова печка”, без страв дека газираното ќе „експлодира“. Тоа може да се види и во видеото.