ОБСЕ во Гостивар – Бејта порача: Соживотот е скапоцено богатство

Делегација на мисијата на ОБСЕ во Скопје, предводена од заменик шефот Џефри Голдстајн денес беше во посета на општина Гостивар на средба со градоначалникот Невзат Бејта.  Како што соопштија од општинската служба за информирање на средбата се разговарало за меѓуетничките односи, актуелните состојби, активностите и проектите кои се спроведуваат во општина Гостивар како и идните планови.

Изјави за медиумите немаше, а во соопштението е пренесена изјавата на градоначалникот Бејта која гласи:

„Во Гостивар живеат Албанци, Македонци, Турци, Роми и други етнички групи. Соживотот бил и останува скапоцено богатство на граѓаните на Гостивар кои живеат во хармонија едни со други без оглед на етничките и верските разлики. Гостивар е град на гостите и се разликува од другите населени места по добриот соживот на различните етнички групи“.