Обвинителството бара притвор за приведената Катица Јанева

Специјалната јавна обвинителка во оставка, Катица Јанева денес беше приведена, а обвинителството информираше дека таа станува осомничена во случајот Рекет. Обвинителството предлага притвор за Јанева.

„Јавното обвинителство утврди дека има основи на сомнение дека јавниот обвинител сторил кривично дело злоупотреба на службена должност, поради што е издадена наредба за проширување на истрагата и ќе биде предложена мерка притвор. Се утврди дека јавниот обвинител ја искористил својата положба и овластвање, кои ги има по закон и за себе и други лица прибавил имотна корист од значителен износ.“, рече на прес конференцијата, јавниот обвинител Љубомир Јовески.

Јанева вчера повеќе од четири часа даваше исказ во обвинителството за гонење организиран криминал и корупција во врска со случајот „Рекет“.