Обвинителството Гостивар поведе постапка за три случаи со дилање марихуана

Надлежен јавен обвинител од Основното јавно обвинителство Гостивар донесе Наредби за спроведување на истражна постапка во три одделни предмети оформени против лица, кој кои при извршен претрес била пронајдена марихуана. Лицата се осомничени за кривични дела- Неовластено производство и пуштање во промет на наркотични дроги, псхотропни супстанции и прекурсори.

„Кај еден од осомничените е пронајдена марихуана со тежина од 400 грама, која ја криел во куќа на негов роднина. Осомничениот е државјанин на Република Србија, од каде преминал во нашата држава и од 2013 година тука илегално престојува. За осомничениот, српските органи имаат распишано меѓународна потерница за сторени други кривични дела. На второто лице, жител на Гостивар, му се пронајдени 10 грама дрога – марихуана. Во третиот предмет, осомничениот кој е жител на кичевско село, во својот дом криел 29 грама марихуана и 39 семки растителна материја од непознато потекло. Јавниот обвинител донесе Наредба за вештачење на пронајдениот материјал.“, стои во соопштението на ЈОРМ.

На барање на ОЈО Гостивар, судија на претходна постапка на сите тројца осомничени им определи мерка притвор во траење од 30 дена.