Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 13/06/2019 | 11:00

Од 1 јули децата ќе може да се вакцинираат против пневмокок и рота вирус

На последната седница на Владата, беше прифатена Информацијата за прогресот на активностите во реализацијата на Акцискиот план за воведување на вакцинација за заштита од пневмокок и рота вирус. Со одлуката, во текот на овој месец до службите за имунизација ќе бидат дистрибуирани по 90 илјади дози од двете вакцини.

Ова значи дека од 1 јули, родителите коишто сакаат нивното дете да прими некоја од вакцините, ќе имаат можност за тоа. Според светската здравствена организација, вакцината против Streptococcus pneumoniae ги штити децата од тешки заболувања, како пневмонија, отитис и менингит. Со воведување на вакцинацијата против Rotavirus, смета СЗО, децата ќе бидат заштитени од тешка форма на дијареи, како и од компликациите предизвикани од истите, се наведува во соопштението од Владата.

Напишете коментар