Од 470 вработени во болницата во Гостивар, 412 ќе земат покачена плата

Правото на зголемување на платата во здравството, согласно последните законски одлуки, од вкупно 470 вработени во Општата болница „Д-р Ферид Мурад“ во Гостивар, ќе го искористат 412. Како што соопштија од болничкиот Сектор за финансии и сметководство, по внесување во системот за пресметка на плата со зголемен нов основен коефициент денеска поминала месечната плата за мај.

„Врз основа на зголемувањето на месечните плати, во нашата болница ова право ќе го користат над 412 вработени и тоа: лекар специјалист, субспецијалист и лекар примариус + 2.000 денари бруто, медицински сестри + 3.000 д. бруто, општи лекари + 2.500 д. бруто, администрација со високо образование + 2.000 бруто ден. “, информираа од болницата и додадоа дека 62 вработени нема да можат да го искористат ова право за зголемување на месечната плата од причина што, иако им е зголемен основниот коефициент, колективниот договор на Министерството за здравство од основниот коефициент не ја надминува минималната плата од 29.739 денари бруто и нето 20.175 ден.

Покачување на платата нема за: администрација со средно образование, возачи од возен парк, технички персонал и хигиеничарки.

„Разликата од месечната плата за март и април 2023 година, како што предвидува законот, ќе се исплати следната недела од причина што бара малку подетална анализа за да се избегнат непотребните грешки.“, се вели во соопштението.