Од денес исплата на Мој ДДВ за првото тримесечје

Од денеска треба да почне исплатата на „Мој ДДВ“ за првото тримесечје од годинава со зголемен лимит до две илјади и сто денари.

Средствата што треба да се вратат кај граѓаните во првото тримесечје се проценуваат на околу 10 милиони евра.

Директорката на Управата за јавни приходи Сања Лукаревска вчера во интервју за емисијата „Утрински печат“ изјави дека средствата се обезбедени во Буџетот.

„Средствата што треба да се вратат преку оваа мерка за првото тримесечје се околу 10 милиони евра и тие средства се предвидени во буџетот. Ќе инсистирам секој почеток на тековна година да расте лимитот за поврат на ДДВ на физички лица“, рече Лукаревска.

На предлог на Министерството за финансии, Владата на 27 декември лани го утврди Предлог-текстот на законот со кој лимитот за поврат на ДДВ се зголемува од илјада и осумстотини на две илјади и сто денари.