Од денес почнува Божиќниот пост

Шестнеделниот божиќен пост, со кој православните верници се подготвуваат за празникот на Христовото раѓање, започнува од денес, 28 ноември. Според црковните правила, верниците за време на постот треба да се воздржуваат пред се` од нечисти мисли и дела, како и од мрсна храна.

Целта на постот е да се исчистат духот и телото, што се постигнува не само со воздржување од мрсна храна, туку и од лоши мисли, зборови и дела. За време на Божиќниот пост посни се и сите славски трпези.

Божиќниот пост е воведен по примерот на Исус Христос, кој 40 дена поминал во пустина во пост и молитва. Христијанството учи дека со постењето се челичи човековиот дух и тој е правилен само ако истовремено е телесен и духовен. Постот претставува духовна и телесна подготовка на човекот за влез во тајната на претстојниот празник.

Божиќниот пост е втор по должината на траењето, веднаш по Велигденскиот. Во продолжение прочитајте ги правилата на постот  2023/24 година во однос на храната, што ги објави тетовско-гостиварската епархија со благослов на митрополитот г.Јосиф.