Од денес сите нови автомобили во Европа мора да поседуваат асистент за брзина (ISA)

Од 6 јули 2022 година, сите новопроизведени автомобили, комбиња и камиони после овој датум во Европската унија ќе мора да имаат голем број безбедносни системи како стандардна опрема. 

Техничките стандарди на новиот задолжителен систем што мора да биде вклучен во секој нов автомобил хомологиран во ЕУ од јули 2022 година, ги утврди Европскиот совет за безбедност во сообраќајот (ETSC) .

Покрај интелигентниот асистент за брзина (ISA), односно автоматски ограничувач на брзината околу кој се крена најмногу врева, секој нов модел одобрен за сообраќај во Европската унија ќе мора да поседува и:

• Вграден алкотест – Alcolock
  
• Систем за предупредување во случај на замор на возачот и губење на вниманието
  
• Систем за предупредување во случај на губење на концентрацијата на возачот
  
• Reverse Assist – помош при движење наназад
  
• Црна кутија (Снимач на податоци за настани – EDR)
  
• Трепкање на светла при ненадејно сопирање
  
• Сензори за автоматско, итно сопирање со препознавање на возила и ранливи учесници во сообраќајот напред
  
• Асистенција за држење на возилото на сообраќајна лента лево и десно
  
• Прецизен систем за следење на притисокот во гумите