Од денеска задолжително објавување на цените на веб-страниците на трговците

Согласно новата регулатива што стапува на сила од денеска, сите трговци – мали, средни и големи – се обврзани јавно да ги објавуваат продажните цени на производите на своите официјални веб-страници.

Целта на оваа мерка е да се зголеми транспарентноста кон потрошувачите и да се обезбеди редовен увид во цените.

Цените мора да бидат објавени во посебен и лесно достапен дел од веб-страницата (Ценовник), без потреба од регистрација или логирање. Ажурирањето треба да се врши секој работен ден до 10:00 часот. Во случај на техничка грешка, трговците имаат рок од 24 часа за корекција.

За оние што нудат попусти или акции, се бара да се прикаже редовната цена, износот или процентот на намалувањето, како и времетраењето на понудата.

Непочитувањето на одлуката ќе се санкционира со парични казни од 500 до 10.000 евра, а за поголемите маркети може да следи и мерка – затворање до 15 дена.