Од каде потекнува изразот „Крвта не е вода“?

Ова е општо позната фраза која се користи за цврсти роднински врски и сличности во изгледот или карактерот. Но, изворното значење на „крвта не е вода“ е сосема поинакво и нема никаква поврзаност со семејството и генетското наследство.

Изразот во минатото започнал да се користи за да ја прикаже блискоста меѓу војниците, во смисла дека тие што војуваат заедно се многу поврзани еден со друг, се соочуваат со исти проблеми и опасности, делат исти предизвици и се наоѓаат пред исти ризици. Првичната верзија била „крвта е погуста од водата“. Војниците пролевале крв на истите боишта, си биле еден на друг голема поддршка, а со тоа се создавале и нераскинливи релации.

Со текот на времето, конотацијата на фразата се менувала и таа го добила денешното значење.