Од полноќ нови цени на горивата

Регулаторната комисија за енергетика ја објави одлуката за новите цени на горивата, која почнува да важи од полноќ. Со оваа одлука се врши намалување на малопродажните цени на нафтените деривати во просек за 1,35%.

Бензините и дизелот поевтинуваат за половина денар. Новата цена на Еуросупер БС-95 ќе изнесува 67 денари за литар, а на Еуросупер БС-98 – 69 денари за литар. Новата цена на дизелот ќе биде 56,5 денари за литар.

Екстра лесното масло за домаќинство се намалува за еден денар и ќе чини 45,5 денари за литар.

Малопродажната цена на мазутот се намалува за 0,818 денари за килограм и ќе се продава по цена од 35,393 денари за килограм.