Од рано наутро огромни гужви пред банките во Гостивар

Уште од раните утрински часови пред филијалите на банките во Гостивар забележливи се огромни гужви и долги редици. Метежот кој владееше изминатите денови, поради пропаѓањето на Еуростандард и потребата за отворање на нова трансакциска сметка на бившите клиенти на оваа банка, од денес е уште поголем, со оглед дека почна исплатата на пензиите.

Одговорните лица се обидуваат да воспоставуваат некаков ред, но речиси е невозможно во толкави толпи на луѓе.  Едно е сигурно – За да завршат работа во банка граѓаните ќе мора да чекаат со часови.