Од утре до петок, матурантите на екстерно

Почнувајќи од утре (30 јануари) до 3 февруари, матурантите ќе го полагаат екстерниот испит. Учениците претходно ги добија точните датуми за полагање, а за предметите по кои ќе им бидат проверени знаењата се известуваат три дена пред испитот.

Матурантите може да се подготват преку базен на прашања по сите предмети кој беше објавен за сите насоки на гимназиско, стручно и уметничко образование.

Резултати постигнати на тестирањето ќе бидат објавени на 7 февруари. Оние кои нема да бидат задоволни од прелиминарните резултати, ќе можат да поднесат приговор.

Во Македонија, екстерно ќе полагаат 18.600, додека во гостиварските средни училишта околу 950 матуранти.