Од утре поради градежни работи прекин на сообраќајот околу ОУ „Гоце Делчев“

Поради градежни работи за реасфалтирање на улиците околу основното училиште “Гоце Делчев”  во Гостивар, од утре наутро сообраќајот во овој дел од градот ќе биде во прекин, информираше гостиварската локална самоуправа. Прекинот ќе трае се` до завршување на реасфалтирањето.

„Утре, исто така ќе започнат градежните работи за асфалтирање на две улици во село Форино, од кај мостот на реката Јахорка и од кај Мектебот во правец на нивите, каде што сообраќајот ќе биде слободен, но ќе се одвива во отежнати услови“, наведуваат од општината од каде бараат разбирање и внимателност од граѓаните за време на изведувањето на градежните зафати.