Гостивар
Од утре пробен попис – ќе биде опфатен и Гостивар
Државниот завод за статистика најави дека од утре (13 јуни) ќе започне пробниот попис на населението и домаќинствата во 13 општини во земјава: Куманово, Гостивар, Прилеп, Кичево, Долнени, Кисела Вода, Зелениково, Струга, Свети Николе, Радовиш, Валандово, Кратово и Штип.
„Од петок веќе сме и на терен. Од пробниот попис нема да објавуваме податоци, туку тоа е тестирање, тоа се технички работи. Ќе имаме уште едно пробно тестирање во октомври или ноември, ќе проверуваме технички работи од апликацијата“, изјави директорот на ДЗС, Апостол Симовски.
Пробниот попис, кој е еден вид подготовка за пописот што треба да се спроведе следната година, ќе трае дваесетина дена. На терен ќе работат лиценцирани попишувачи кои ќе ги прибираат клучните податоци од граѓаните.
Во меѓувреме, ќе се „пеглаат“ партиските ставови на власта и опозицијата околу Предлог- Законот за попис на населението, домаќинствата и становите, откако во понеделникот беше откажана собраниската расправа по ова прашање.
Во предлог-текстот на Законот се утврдени методолошките основи на претстојниот Попис, како и организациско-техничките специфики на оваа најголема статистичка операција. Предвидено е пописот да се спроведе со т.н. комбиниран метод, односно користење на податоци од претпописната база на податоци и прибирање на податоци од терен, т.е. лично попишување на сите единици на Пописот. Друга новина е користењето на лаптопи наместо хартиени обрасци.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар