Од утре седење во кафеани, ресторани, пицерии до 21 часот

Владата на вчерашната седница, по препорака на Комисијата за заразни болести, донесе измени на одлуката за работното време на рестораните и другите угостителски објекти, односно ја укина одлуката за ограничување на работното време на рестораните и другите угостителски објекти за работа до 18 часот. Измените почнуваат да важат од утре (21 јануари)

Со одлуката се враќа работното време на овие објекти кое беше претходно утврдено, односно тие ќе можат да работат до 21 часот, со исклучок на рестораните и другите угостителски објекти на аеродромите, на бензинските пумпи и во хотелите кои од 21 јануари ќе можат да работат со редовното работно време согласно законот.