Од утре сите со покриени уста и нос!

Владата на денешната седница донесе одлука за задолжително носење на заштитна опрема за лицето, која важи за териоријата на целата држава.

Техничкиот премиер Оливер Спасовеки објасни на што конкретно се однесува одлуката:

„Заштитна опрема може да биде маска, хируршка, памучна..марама или шал и слични прекривки за нос и уста, што ќе придонесе да се овозможи прекин на ширење на вирусот. Ова ќе важи за затворен простор каде има повеќе лица како: маркети, продавници, пошти, банки…Во јавен превоз, како и на отворено на пазари и каде нема можност да се одржува физичка дистанца од 2 метри. Заштитна опрема не се носи ако сте во дворот, терасата, возите велосипед или спортувате на отворено или се превезувате во возило со лица кои се во едно домаќинство и семејство.“, рече Спасовски.

Задолжителното покривање на носот и устата почнува да важи од утре.