Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 23/03/2019 | 11:40

Од Вардар извлечено телото на машкото лице по кое трагаше гостиварската полиција

Утрово околу 10 часот од водите на Вардар, на потегот меѓу гостиварските села Форино и Чегране пронајдено е и извлечено телото на машкото лице, за кое вчера попладне беше пријавено дека било забележано во реката, дознава Gostivarpress.mk.

На местото кадешто е пронајдено се врши увид од Јавен обвинител и полициски екипи. Телото е предадено на обдукција, ќе се утврдува идентитетот, дали врз него има траги на насилство и други детали. Неофицијално, станува збор за 18 годишно момче од Гостивар.

Случајот беше пријавен вчера околу 16 часот од жител на гостиварско Мало Турчане, кој го забележал телото во Вардар близу селото, се обидел да го извлече, но не успеал. Веднаш потоа, полицијата и противпожарната единица започнаа потрага, која беше прекината ноќеска и продолжи утрово, кога и беше пронајдено телото.

Напишете коментар