Гостивар
Од веселба може да завршите во затвор! Доста е пукање на свадби, предупредува полицијата
Секое лето, иста песна. Свадбените и други свечености во полошко не поминуваат без употреба на оружје или неовластено приредување огномети. На ризиците кои може да бидат големи, воопшто не се размислува. Изминатиот период од заталкани куршуми во тетовскиот регион беа повредени две лица, меѓу кои едно малолетно.
Секторот за внатрешни работи Тетово во неколку наврати апелираше до граѓаните да се воздржат од пукање со пиштоли или друго оружје, како и од неовластено организирање огномети. СВР потенцира дека пукањето е спротивно на Законот за прекршоци против јавниот ред и мир, а паричната глоба за ваков вид прекршок, согласно член 31 се движи од 200 до 500 евра. Покрај тоа, зависно од последиците, пукањето може да претставува и кривично дело „предизвикување општа опасност“, за кое е предвидена и затворска казна од една до пет години (член 288 од Кривичниот законик на Република Македонија ).
На граѓаните, исто така, им се укажува дека свадбените огномети треба задолжително да се пријават во полициските станици или одделенија на подрачјето на кое се организираат, во зависност од нивната категорија, а нивните организатори навреме да ги спроведат пропишаните превентивни мерки. Истото се однесува и на други свечености кои ќе се организираат по различни поводи.
Полицијата во летниот период ги засили контролните активности на планот на откривање и санкционирање на ваквите нарушувања на јавниот ред и мир.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk