Македонија
Од вторник вакцинација со кинески Синофарм – и Филипче ќе прими таква вакцина
Утрово во земјава пристигнаа 200.000 дози на вакцини од кинески Синофарм, обезбедени во директни преговори со производителот. а министерот за здравство Венко Филипче најави дека имунизацијата со нив ќе започне од вторник, односно веднаш после дистрибуцијата на предвидените дози до сите пунктови кадешто ќе се спроведува.
, Станува збор за количина од 200.000 вакцини коишто службите ќе ги одработат соодветно во делот на проверка на ладниот ланец. Тие ќе се сместат во ладната соба којашто беше поставена благодарение на Фондацијата “Direct Relief” и од тука во текот на следните денови, најкасно во понеделник ќе бидат дистрибуирани во сите вакцинални пунктови. Тоа се пунктовите за масовна вакцинација ширум државата и во Скопје, во салата Борис Трајковски и во другите 6 градови – во Куманово, Штип, Кавадарци, Тетово, Охрид и Битола и според распоредот на веќе пријавени граѓани ќе биде и распределена и бројката на вакцини. Процесот на вакцинација со кинеските вакцини ќе започне веќе во вторник. Ова е месец во којшто очекуваме и други, значајно големи количини на вакцини и искрено верувам дека до почетокот на летото ќе имаме висок процент на население коешто ќе биде вакцинирано и тоа сето ќе придонесе до целосно менување на сликата на епидемијата кај нас” , изјави министерот.
Кина се уште е во процес на масовна вакцинација, а веќе 200.000 милиони луѓе се вакцинирани и со оглед на тоа што ова е земја со население од 1,4 милијарди жители, сè уште трае процесот на имунизација.
,,Денес, пристигнувањето и официјалното доставување на првите 200.000 дози на вакцини Синофарм против КОВИД-19 во Северна Македонија не само што претставува нова пресвртница на солидарноста меѓу нашите земји во борбата против епидемијата, туку исто така напиша и ново поглавје во пријателските односи меѓу нашите два народа. Вакцинацијата е важен чекор во спречување, контрола и пораз на епидемијата. Кина ги прогласи вакцините за глобално јавно добро и се приклучи на програмата Ковакс на СЗО. Кина обезбедува итно потребни вакцини на повеќе од 100 земји и меѓународни организации. Пристигнувањето на кинеските вакцини во Северна Македонија денес го потврдува дејствувањето на Кина во сплотеноста при градење на заедница со цел подобро заедничко здравје за човештвото. Драго ни е што кинеските вакцини можат да придонесат во напорите за вакцинација на луѓето од Северна Македонија”, кажа Амбасадорот на Народна Република Кина н.е. Џанг Ѕуо.
Министерот најави дека и тој ќе се вакцинира со кинеската вакцина за да даде пример за граѓаните. „Сакам да бидам пример и да ги уверам граѓаните дека вакцините се безбедни. Соодветно е тоа да го направам со кинеската вакцина, затоа што таа сега е во најголема бројка на располагање и на граѓаните. Тоа најверојатно ќе го организираме во неделата што следува. Сите вакцини се безбедни, па затоа нема потреба да се става акцент на тоа да се бира вакцина, бидејќи сите се со еднаков квалитет. Каква вакцина има во пунктот во тие часови кога е предвидено да се вакцинираат граѓаните тоа да го направат без да бидат загрижени и да размислуваат дали да се вакцинираат со една или со друга вакцина“, рече Филипче.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар