Гостивар
Одбележан Денот на Ромите во Гостивар, ромското знаме трајно на јарболот
На пригодна свеченост, со подигнување на ромското знаме на јарболот пред општината, и во Гостивар денес беше одбележан, 8 Април – Меѓународниот ден на Ромите. Согласно одлуката донесена од Советот на Општина Гостивар, ромското знаме има службена употреба и останува истакнато заедно со останатите знамиња.
„Денес е ден кога треба да ги тргнеме сите бариери кои ни стојат на патот за подобра интеграција на ромската заедница, само заеднички со Македонци, Албанци, Турци и други, можеме да го направиме животот подобар и полесен за живеење“, рече во своето обраќање, советникот во гостиварскиот совет од ДСР Фирдаус Ајдари.
На свеченоста во Гостивар присуствуваше и Амбасадорот на Индија во Бугарија, со надлежност за Македонија, Санџај Рана, кој имаше краток поздравен говор, со честитка упатена до ромскиот народ.
Градоначалникот Арбен Таравари во обраќањето истакна дека е особено горд што во негов мандат во Гостивар се официјализираше употребата на турското и на ромското знаме.
„Горд сум што уште две знамиња ги кренавме во Гостивар. Во првиот мандат, турското знаме и во вториот-ромското. Да бидам искрен, кога прв пат го ставивме во прес центарот ромското знаме, некако и јас како да бев уплашен од реакциите на јавноста. Но, уште истиот ден ми се јавија неколку Амбасадори на европски држави и рекоа: навистина покажавте дека град сте којшто заслужува да биде пример за сите. Полека, полека мислам дека процентите во Гостивар веќе не важат, сите сме исти и ние сме пример како треба да функционира едно мултиетничко општетсво“, рече Таравари.
На одбележувањето пред присутните се обратија и лидерот на ДСР, Шабан Салиу и претседателот на партискиот огранок во Гостивар, Кашмир Салиу.
8 април е прогласен за Меѓународен ден на Ромите во 1990 година на Светскиот конгрес на Меѓународната унија за Ромите во Полска.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар