Одбележани 20 години Е-бизнис студии на Економскиот факултет

Е-бизнис департманот при Економскиот факултет во Скопје одбележа јубилеј, две децении постоење. На настанот присуствуваше и министерот за образование и наука Јетон Шаќири.

„Да бидеш лидер во својата струка, а истовремено и да ги поставуваш темелите за изучување на е-бизнисот како гранка од економијата, пред сè значи да имаш визија и смелост да чекориш по трнливиот пат, за да можеш да создадеш стручни лица кои ќе го предводат тргувањето на пазарот на стоки и услуги користејќи ги современите дигитални алатки. Со брзиот технолошки развој и особено со развојот на интернетот и социјалните медиуми, компаниите се исправени пред предизвикот континуирано да се прилагодуваат на тие промени и да бидат генератори на иновации и нови бизнис модели базирани на технологии, со цел да држат чекор со конкуренцијата на домашниот и меѓународниот пазар. Дигиталната трансформација на работењето е од клучно значење за постигнување деловен успех, но и за опстанок во глобалното и динамично окружување и во приватниот и во јавниот сектор, рече Шаќири.

Свое обраќање на јубилејот имаше деканот на Економскиот факултет, Предраг Трпески.

На студиите по Е-бизнис студентите изучуваат дигитална економија, дигитализација на каналите на продажба, дигитални иновации и маркетинг, вирален маркетинг и маркетинг преку социјални медиуми, бизнис информациски системи, мрежни пазари и конкуренција итн