Гостивар
Одбележување на Денот на Ромите во Гостивар, ромското знаме свечено подигнато на јарболот пред општината
Со подигнување на ромското знаме на јарболот пред општината и обраќања на прес конференција, во Гостивар денес беше одбележан, 8 Април – Меѓународниот ден на Ромите. Поради пандемијата изостанаа вообичаените прослави и манифестации.
„Неколку години ова е традиција во Гостивар, да го празнуваме 8 Април заедно, со подигнување на знамето пред општината. За жал, поради пандемијата лани и оваа година другите настани се редуцирани. За нас како општина ромската заедница е многу битна, тие се интегрален дел во целото наше функционирање. Претходно во општината немаше ниту еден вработен Ром, сега веќе има двајца вработени само во кабинетот на градоначалникот. Се надевам дека понатаму ќе се вклучат и други луѓе. Ние сме горди што живееме заедно со нашите сограѓани Роми. Им посакувам среќен празник и да го славиме што подолго“, изјави гардоначалникот Арбен Таравари.
Советникот во гостиварскиот совет од Демократски сили на Ромите, Кашмир Салиу истакна дека ќе ја искористи приликата не да говори многу за празникот, туку да ги актуелизира проблемите со кои се соочуваат Ромите во нашата држава.
„Ние Ромите важиме за едни од најлојалните граѓани на оваа држава, но третманот не соодветствува со она што ние го даваме. Ако се направи една анализа се добива впечаток, дека во оваа држава постојат само две нации, со голема почит, македонската и алабанската. Ние денес немаме ниту еден Ром поставен во институциите кои дирекно влијаат за подобрување на животот на Ромите. Кога има седница на Влада, нема ниту еден министер Ром. За ниту еден заклучок што ќе приозлезе од Влада ние не можеме да добиеме информација. Ромите постојано ги следеа „епитети“ дека лажат и крадат, но реалноста е дека токму Ромите се тие кои се излажани и искрадени. Сите пари кои се наменети за Ромите на централно и на локално ниво во некои општини се злоупотребени. Барам обединување на сите Роми, проект кој го почнав заедно со мојот тим, со цел да се постигне рамноправност и еднаков третман“, изјави Салиу.
Бари Адбули, вработен во локалната самоуправа информираше дека по повод празникот, општината ќе додели помош за социјални семејства од ромската популација.
8 април е прогласен за Меѓународен ден на Ромите во 1990 година на Светскиот конгрес на Меѓународната унија за Ромите во Полска.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар