Оддавање почит на хероите Горан Илијевски Мече и Ненад Серафимовски

Претставници од СВР Тетово и ОВР Гостивар им оддадоа почит на загинатите полициски службеници од Гостивар, кои во 2015 година во Диво насеље во Куманово го дадоа животот бранејќи ја татковината. Положија цвеќе и се поклонија на нивните вечни почивалишта.

Вчера (9 мај) се навршија десет години од настаните во Диво насеље, кадешто загинаа Горан Илијевски Мече од Гостивар и Ненад Серафимовски од Зубовце. Тие учествуваа во полициската акција, првиот како припадник на единиците за брзо распоредување, а вториот како припадник на специјалната единица Тигри.

Горан Илијевски од Гостивар имаше 41 година и беше припадник на единиците за брзо распоредување. Неговите сограѓани го паметат по ведриот дух и како еден од главните иницијатори за возобновување на манифестацијата Водици во Гостивар. Ненад Серафимоски од Зубовце имаше 28 години и беше припадник на специјалната единица Тигри, познат како голем спортист и професионалец.