Одгледувачите на овци ќе добијат 400 денари за предадено јагне и 1.500 денари за задржано женско јагне

На вчерашната седница на Владата, донесена е одлука за дополнителна мерка за предадено и заклано јагне во кланични капацитети од 400 денари по грло јагне. Со оваа мерка се опфатени 3600 земјоделски сточарски стопанства кои имаат предадено во кланични капацитети околу 190.000 јагниња, информираат од Министерството за земјоделство, шумарство и водостопанство.

Исто така, Владата ја измени Уредбата за финансиската поддршка за сточарите одгледувачи на овци, за задржано женско јагне од досегашните 700 денари на 1.500 денари по грло.

Ваквите одлуки донесени се поради новонастанатата состојба и проблемите со откуп на јагне, поради здравствено-економската криза предизвикана од глобалната пандемија од коронавирусот.