Одличен посен зимски ручек-Кисела зелка со компир

Киселата зелка е дел од нашата традиционална кујна и најчесто се јаде во зима, во студените денови. Многу е корисна, содржи бројни витамини и минерали, кои го зајакнуваат имунолошкиот систем, а благодарение на пробиотиците позитивно делува и на цревата. Освен како салата или за сарма, киселата зелка може да ја искористите и за одличен зимски ручек со компири, кој е и посен.

Состојки:

1 кг кисела зелка

600-700 гр компири

1 голема главица црвен кромид

1 голема свежа црвена пиперка

3 чешниња лук

ловоров лист

бибер, масло

црвен пипер

Подготовка:

Исечете го кромидот на поголеми ленти, исто така и пиперката и лукот и сето тоа пропржете го на масло. Исечете ги зелката и компирот, а потоа додадетеги во тавата. Динстајте без додавање вода на тивок оган околу 30 минути. Додадете ги зачините.

Издинстаната смеса наредете ја во тава и потпечете го јадењето. Ќе биде готово за околу 20-30 минути.