Одлука на Влада: Милион денари за Бесир Алили и 30 милиони денари за РК Вардар

Владата на денешната седница донесе одлука за доделување на парични награди за РК Вардар и младиот борач Бесир Алили. Според одлуката, Ракометниот клуб Вардар за освоената титула Европски шампион во ракомет ќе добие 30 милиони денари, додека Бесир Алили за европската шампионска титула во борење во категоријата кадети, ќе добие еден милион денари. На неговиот тренер ќе му бидат доделени 300 илјади денари.

Алили ја освои титулата на Европското првенство во борење за кадети кое се одржа во Фиренца, Италија, а се натпреваруваше во слободен стил во категоријата до 48 килограми.