Одземени дозволи и казни за 8 возачи во Гостивар кои биле под дејство на алкохол

Советот „Ако сте фатиле чашка, пуштете го воланот“, очигледно не го прифаќаат сите возачи. И покрај големиот ризик што го носи возењето во алкохолизирана состојба, сепак на гостиварското подрачје оваа појава не се искоренува.

Последната контрола за откривање на возачи кои управуваат возила по дејство на алкохол, полицијата ја спроведе изминатиот викенд (21 и 22 септември).  При тоа, било констатирано дека осум возачи управувале во алкохолизирана состојба. Сите биле исклучени од сообраќај и соодветно cанкционирани. Исто така, времено им биле одземени возачките дозволи.

Казните за возењето под дејство на алкохол се движат од 200 до 500 евра, зависно од количината на алкохол, околностите и последиците. Впишувањето на негативни бода е од 40 до 65, а се изрекува и забрана за управување со моторно возило од три месеци до една година.