Официјално во Гостивар двајца оздравени од коронавирус

Две лица од Гостивар се евидентирани како оздравени од коронавирус, во официјалната статистика за состојбата со болеста на Министерството за здравство. Овие пациенти се внесени во извештајот на 24 април (петок), како излекувани во домашни услови.

Според последните објавени податоци од Министерството за здравство, вкупната бројка на оздравени лица од Ковид 19 во земјава до вчера изнесува 500, додека на дијагностицирани 1.386 лица. Како смртни случаи од корона во Македонија се водат 61. Од регистрираните смртни случаи, најголем дел, се на возраст над 60 години. 43 се лица од машки и 18 лица од женски пол. Кај вкупно 48 лица (78,7%) се регистрирани коморбидитети.

Моменталната официјална евиденција за регионот на Гостивар (општините Гостивар, Маврово Ростуше и Врапчиште) е вкупно дијагностицирани 15, од кои активни болни се 12, оздравени 2 и еден починат.

Последниот позитивен случај беше регистриран вчера (недела, 26 април).