Оглас за млади невработени, како практиканти ќе добиваат по 150 евра месечно

Агенцијата за вработување објави јавен повик за практиканство кој се однесува на сите невработените лица до 34 години, со минимум завршено основно образование кои немаат работно искуство. Лицата ќе бидат вклучени како практиканти во период до три месеци кај работодавачи, заради стекнување на одредени практични знаења и вештини. За секој кандидат кој ќе биде избран се предвидува финансиска поддршка во износ од 9.000 денари месечно  (со вклучено осигурување за инвалидност и телесно оштетување причинето со повреда на работа и професионална болест и данок на личен доход)  за периодот за кој се извршува практичната обука.

Пријавувањето се врши во работните клубови на Центрите за вработување, секој работен ден од 9 до 14 часот.

Заинтересираните невработени лица за учество во мерката можат да аплицираат се до исполнување на предвидениот опфат на корисници, се наведува во јавниот повик.