Оглас за вработување на 100 војници во Армијата

Министерството за одбрана објави оглас за прием на 100 професионални војници на служба во Армијата за работа на определено работно време, со договор за вработување во времетраење од 4 години со можност за негово продолжување повеќе пати, но најмногу до навршување на 45 години возраст по избор согласно закон.

Во огласот се наведува дека кандидатите треба да се полнолетни државјани на Република Северна Македонија и да имаат посебна здравствена и физичка способност. Исто така, да имаат завршено средно образовани и да не се постари од 25 години на денот на завршувањето на огласот за прием на  професионални војници.

Минималната висина на кандидатите е на границата од 160 см, а максималната висина да не надминува 200 см. Телесната тежина на кандидатите да не надминува 30% од идеалната тежина (идеална тежина = висина – 100 за мажи, односно висина – 110 за жени)  и да не изнесува под 20% од идеалната тежина

Работното време е од 8 часот до 16 часот. Платата изнесува над 25.000 денари, со дополнителни над 8.000 денари  трошоци за станбено обезбедување по навршување на 4 години служба во Армијата.

Сите детали на следниот ЛИНК.