ОИК Гостивар: Одборите пријавија проблеми со биометриските уреди утрово, но тие се надминаа

Од Општинската изборна комисија на Гостивар информираа дека утрово на почетокот на гласањето на повеќето избирачки места, одборите пријавиле проблеми со биометриските уреди за идентификација на гласачите, но дека тие се надминати и изборниот процес тече без проблеми.

„Локалните избори на сите избирачки места во Општина Гостивар почнаа утрово навреме во 7 часот. Поголемиот дел од одборите пријавија проблеми со биометричкиот уред за идентификација на гласачите, но тие брзо се надминаа и може да кажеме дека процесот се одвива според законските одредби. Апаратите кои не ги читаа гласачите, беа заменети со нови, а доколку повторно се јави проблем, тогаш се преминува со стариот метод, УВ ламба и спреј. Се надеваме дека во текот на денот понатаму нема да има никакви пречки и се‘ ќе биде нормално.“, изјави Ајше Османи, заменик претседател на комисијата.