Околу 1.500 лица од Маврово Ростуше примиле вакцина против коронавирус

Ширењето на коронавирусот со бројка од 500 заразени граѓани, како што веќе објавивме ги натераа општинските власти на Маврово Ростуше да бараат онлајн почеток на учебната година. Кризниот Штаб испрати и официјално барање до Комисијата за заразни болести и надлежните министерства.

Во очекување на одговорот за начинот на работа на училиштата, градоначалникот Медат Куртовски, како претседател на штабот и прв човек на општината, повторно упати апел до граѓаните да ги преземаат основните мерки за заштита, и да се вакцинираат против коронавирус.

„Апелот до граѓаните останува ист, да ги почитуваат мерките за заштита и секако да се вакцинираат во што поголем број. Според податоците кои ги добивме од здравствените работници, вакцина против ковид до сега примиле околу 1.500 граѓани. Ова го сметаме за задоволително, со оглед дека реално имаме околу 4.500 постојани жители во населениете места, а секако дел од нив се малолетни. “, оцени градоначалникот.