fbpx
Поврзи се со нас

Гостивар

Околу 1.700 мајки од регион на Гостивар поднеле барања за надоместок за трето дете

Објавено

на

Околу 1.700 родители од подрачјето на Гостивар поднеле документи за користење надоместок за трето дете до предвидениот рок, 31 март. Од Центарот за социјална работа појаснуваат дека барања може да се доставуваат во текот на целата година, но оние кои го пробиле овој рокот, нема да добијат пари за сите месеци.

„Рокот за надоместок за трето дете и образовен додаток заврши на 31 март, а поднесени се околу 1.700 барања. 90% од нив се обработени и веќе се врши исплата. Тие што поднеле барање до предвидениот рок, ќе ги добијат парите за сите месеци, значи и за јануари, февруари, март. Тие што не поднеле до 31 март, имаат право да поднесуваат во текот на целата година, со таа разлика што правото нема да им се признае од 1 јануари, туку од датумот на поднесување на барањето. “, појасни Магдалена Савеска, директор на Центарот за социјална работа во Гостивар.

Надоместокот е 8.300 денари месечно.

Од пред година и половина со законските измени за правото на надоместок за трето дете, поставен е лимит на приходите за корисниците, кои месечно не треба да бидат повисоки од 14.933 денари. Ова важи за новите корисници, додека оние кои го оствариле правото по стариот закон, се изземени од правилото.

„Ова е многу важно да го знаат родителите, затоа што доаѓа до забуни. Тие комуницираат едни со други, се прашуваат зошто некој добива надоместок, а друг нема право. Значи со измените во законот, има граница на приходите од 14.933 денари. Сепак, оние кои го оствариле правото на надоместок за трето дете пред да бидат донесени измените, продолжуваат да го земаат по стариот закон“, вели Савеска.

Во регионот на Гостивар, има над 11.000 корисници на различни права од социјална заштита, како гарантирана минимална помош, детски и образовен додаток, надомест за трето дете и други.

Advertisement
Advertisement
Advertisement
Advertisement

Вработувања Полог:

Advertisement

Популарно изминативе 100 дена

error: Содржината е сопственост на Gostivarpess.mk!