Околу 150 казни за брзо возење во Тетово и Гостивар

Полициски службеници на СВР Тетово вчера (14 август) од 14 до 20 часот, спроведоа акциска контрола во која се изречени вкупно 149 мерки за пребрзо возење, од кои 119 во Тетово и 30 во Гостивар.

82 од мерките (ТЕ-52 и ГВ-30) се однесувале на возење со поголема брзина од максимално дозволената надвор од населено место, од кои 13 (ТЕ-5 и ГВ-8) биле за повеќе од 70 километри на час.

Во контролата биле санкционирани и 67 возачи (сите на територија на Тетово), кои ја пречекориле пропишаната брзина во населено место, од кои 5 за повеќе од 50 километри на час. Покрај тоа, со соодветни поднесоци заокружени се и 12 други видови прекршоци, извести полицијата.