Гостивар
Околу 160 возачи во Гостивар казнети лани оти не пропуштале пешаци
Вчера (26 јануари) од 10 до 14 часот на поширокото гостиварско подрачје била спроведена засилена акциска контрола на возачи, дали и колку ги почитуваат нивните обврски кон пешаците, извести полицијата. Во контролата откриени и законски санкционирани биле вкупно 5 прекршоци, од кои 3 возачи не им дале предност, односно првенство на пешаците на обележани премини.
Статистиката на СВР Тетово покажува дека минатата (2022 година) на гостиварското подрачје вкупно 157 мерки биле изречени за недавање предност-првенство на пешаци, односно непропуштање на оваа категорија учесници во сообраќајот, дури и на обележани премини. На возачите-прекршители лани им биле изготвени соодветни поднесоци и тие ќе се соочат со парични глоби кои за овој вид прекршок се движат од 20 до 250 евра во денарска противвредност. Покрај тоа, за оние кои најнепосредно го загрозиле безбедното движење на пешаците предвидена е и заштитна мерка-времено одземање на возачката дозвола од три месеци до една година.
„Во функција на поголема безбедност на пешаците минатата година, исто така, биле организирани и повеќе сообраќајни поуки со кои вкупно биле опфатени 333, најмногу пешаци, но и велосипедисти и мотоциклисти. Лани, исто така, на гостиварското подрачје биле изречени и вкупно 28 мерки за користење на неатестирани фолии или фолии поставени спротивно на Законот за безбедност на сообраќајот на патиштата. Глобата за овој вид прекршок изнесува 250 евра во денарска противвредност.“, стои во полициското известие.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар