Македонија

Околу 30% од заболените со ковид имаат хронични здравствени проблеми, најчесто кардиоваскуларни и дијабет

Објавено

пред 4 години

на

14/07/2020

Од

Gostivarpress.mk

Според податоците од Институтот за јавно здравје, од почетокот на пандемијата до 12 јули, во земјава се дијагностицирани 8.197 лица позитивни на коронавирус.

Во однос на симптомите кои се пријавени кај заболените лица, најчесто се регистрирани температура (64,4%), кашлица (42,4%), малаксаност (41,5%), треска (13,9%), главоболка (13,7%), болка во грло (13,7%) и отежнато дишење (12%). Околу 30% од дијагностицираните лица немале симптоми на заболувањето.

Во извештајот на ИЈЗ стои дека кај 29,9% од заболените лица се присутни хронични и здравствени состојби, од кои најчести се кардиоваскуларна болест (вкупно 1.637 лица) и дијабет (700 лица). Од хоспитализираните случаи, кај 59 % се присутни коморбидитети, односно други заболувања.

Вкупно се регистрирани се 385 смртни случаи. Според најголем дел од нив, вкупно 273 се на возраст над 60 години. Од починатите, кај 80,8% се регистрирани коморбидитети, најчесто кардиоваскуларна болест (240), дијабет (114) и белодробна болест (56). Регистрирани се по два смртни случаи кај бремени жени и кај здравствени работници.

Сподели ја веста: