Гостивар
Околу 660 првачиња во Гостивар – почна пандемската учебна година
Новото нормално го претвори вообичаениот „први септември“ во „први октомври“. Денес почна учебната 2020/2021 година, која по многу нешта се разликува од претходните. Во училиште тргнаа само учениците од прво до трето одделение и во училиштата каде има согласности за настава со физичко присуство. Останатите ученици ќе треба наставата да ја следат онлајн, преку Националната платформа.
Според податоците од општинскиот сектор за образование, во основните училишта на подрачјето на Општина Гостивар годинава се запишани околу 660 првачиња. Училиштата им подготвуваат убави приеми и се потрудија да им го направат првото училишно искуство што попријатно. Особено со оглед на фактот дека заради пандемијата владеат строги правила и протоколи, треба да се носат маски, децата да не се групираат, да се држат на растојание, да им мерат температура на влез во објектот, родителите не смеат да влегуваат внатре итн.
Предизвиците се големи и за учениците кои ќе учат преку интернет. Тестирањата на платформата изминатите денови детектираа низа проблеми, пречки околу логирањето во системот, преоптивареност, нејаснотии, како и потреба од електронски уреди со појака конфигурација за да може да се користи.
Во училиште или од пред компјутер, како и да е, децата му се враќаат на образованието. Како ќе се одвиваат работите во следниот период, никој не може да предвиди. Останува да се чека, а во меѓувреме да се почитуваат протоколите за да се зачува здравјето на најмилите.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар