Октомври продолжува со дождливо и нестабилно време

Во наредниве денови очекувајте променливо и нестабилно време. Денес е понеделник, 279-от ден од годинава. Сонцето изгреа во 6 часот и 38 минути, а ќе зајде во 18 часот и 10 минути. Во текот на денешниот ден времето ќе биде променливо облачно и со услови за нестабилност со пороен дожд, грмежи и засилен ветер. Максималната температура ќе достигне до 30-от степен.

Утре (вторник) се очекува променливо облачно време со врнежи од дожд. Попладне нестабилно со пороен дожд, грмежи и засилен ветер. Температурата ќе се движи од минимални 12 до максимални 25 степени.

Во среда очекувајте постабилно време, односно сончево со умерена облачност. Температурата ќе се движи помеѓу 13 и 24 степени.

Во четврток во претпладневните часови се очекува облачно време, а можни се и повремени врнежи од дожд, додека попладне очекувајте сончево време со умерена облачност кое пак ќе биде вовед во стабилно и сончево време со мала до умерена облачност во петок. Температурите ќе се движат од 9 до 20 степени во четврток, односно од 10 до 20 степени во петок.