ОО СДСМ Гостивар со честитка до граѓаните по повод Рамазан Бајрам и Денот на светите браќа Кирил и Методиј

Претседателот на ОО СДСМ Гостивар Драгољуб Филипоски, денеска на сите граѓани во име на Општинската организација упати честитка по повод празниците Рамазан Бајрам и Денот на светите браќа Кирил и Методиј.

„Рамазан е време на пост, солидарност, добрина и простување. Овие моменти се потсетник на основните човекови вредности, потсетник дека треба да си помагаме едни со други и да се воздржуваме од лошите мисли, а толеранцијата да биде мост меѓу сите граѓани во нашата држава. Задоволство ми е да упатам искрени честитки по повод големиот празник Фитер Бајрам, празник кој доаѓа веднаш по Рамазанските пости и е награда за индивидуална пожртвуваност на верниците, меѓутоа и за колективна взаемна солидарност и разбирање на сите граѓани без оглед на нивнатаетничка, верска или политичка припадност. Нека е честит и благословен празникот Рамазан Бајрам на сите припадници од исламската вероисповед и нека донесе радост, среќа и спокој во вашето семејство,во вашиот дом! Сесловенските просветители, браќата Кирил и Методиј дадоа огромен цивилизациски придонес не само на Македонскиот, туку и за сите словенски народи. Благодарни сме што го поставија темелот на писменоста, како наше основно културно и национално обележје. Придобивките кои ги жнееме денеска, почитувајки го јазикот, писмото и културата се огромен влог со којшто не задолжија сите нас. Обележувајки го денешниот ден се потсетуваме и на суштинското значенње на универзалните, културни и човечки вредности кај луѓeто. Големите дела на браќата Кирил и Методиј не обврзуваат сите нас, втемелените патеки на културното издигнување со меѓусебно разбирање и помагање да ги промовираме и заеднички да ги поттикнеме како вредности на нашето општество. Нека е честит празникот на сесловенските просветители, светите браќа Кирил и Методиј“, се вели во честитката.

(комерцијална објава)